政情：榕樹受蟲害 梁福元：如港亂象

梁福元日前喺社交平台發貼文，指樹木嘅蟲害往年都有，但近年因氣候暖化、生態失衡，去年及今年均雨量偏少、氣溫高，恍如大溫室嘅環境助長害蟲嘅存活率同進食量。以榕樹樹葉為糧嘅「朱紅毛斑蛾」幼蟲亦變得活躍，短時間內就將整棵榕樹啃至光禿禿。雖然雀鳥係昆蟲嘅天敵，但幼蟲數量之驟增亦引致生態食物鏈混亂，況且為免波及雀鳥同埋損害樹幹，亦不宜隨便施以殺蟲藥。

眼見10年樹木飽受蟲害摧殘，梁福元大嘆惋惜，又觸景傷情咁話坊間將榕樹嘅蟲疫比喻為香港嘅亂象，害蟲短瞬間就破壞前人努力栽種嘅成果。不過梁福元又話，幸好「朱紅毛斑蛾」只蠶食榕樹葉，並未摧毀樹身，所以佢期望去到雨季，榕樹葉將可重新長出，再展枝葉豐盛。