政情：有相為證：碩士變小粉絲

過去五年斷斷續續往返中山大學讀書嘅漁農界立法會議員何俊賢（高佬賢，圖左）終於修畢三年制嘅公共行政碩士課程，戴四方帽畢業。高佬賢話，做咗議員後少咗時間刨書，碩士論文都係幾經辛苦先至寫成，至於會唔會攻讀埋博士成為漁農界最高學歷嘅議員，佢就話現時公務繁忙，短期內都唔會考慮喎！雖然今次已經係佢第二次畢業，但佢早兩日仍然返中山大學影畢業相，仲拉埋同學特別邀請九十五歲嘅中國當代行政學之父夏書章影相，十足見到明星嘅小粉絲咁。