有性趣：男人三大苦惱事

由英國慢性病維權人士Mesha Moinirad委託進行嘅調查，訪問咗8千名成年男士，發現有四分之一受訪者表示曾遇上三大苦惱事，分別係勃起功能障礙、早洩及性慾減退。遇上呢三件事時，受訪男士都表示會感到焦慮、沮喪及尷尬，而最多人會感到內疚，當中更有15%男士表示曾因此而跟另一半鬧交。另外，有34%男士稱會瞞住另一半，喺網上購買藥物解決問題。最出人意表嘅係有20%男士情願跟另一半分手，都唔願意跟對方透露自己有勃起功能障礙等問題，其中以25至34歲男士最多。Mesha Moinirad表示深明佢哋點解咁做，皆因冇人想喺年紀輕輕就被人冠上性無能之名，但佢建議患者要跟另一半坦白，同時尋求正規方法解決問題，而非選擇分手逃避。