有性趣：VR相睇省時方便

AI已經成為生活嘅一部分，同時影響到唔少行業，就連婚姻介紹公司會運用AI嚟為客人提供服務。據羅馬尼亞兩性專家Amy Williams表示，將有愈嚟愈多婚介公司會透過AI為客人進行配對，甚至可以跳過婚介公司，直接透過AI物色另一半添！佢解釋透過AI篩選，更具針對性，能滿足到客人及被挑選者間嘅要求，從而提升成功率。此外，佢又話VR相睇會愈嚟愈普及，除咗節省時間，令參與者冇咁尷尬同緊張外，更跟未來相睇文化嘅變化有關。

Amy Williams解釋未來男女唔再注重對方嘅外表，而係被共同價值觀及感情觀所吸引，而透過VR相睇，正好令雙方專注喺言談及思想上，從而進行更有效嘅交流。唔知單身男女有冇興趣嚟個VR相睇呢？