今夜一丁：Skyler Simpson點到即止扣人心弦

性感與暴露往往係一線之差，睇番現今網紅界，唔少靚女都靠上載性感寫真嚟吸引粉絲，但人人都咁做，點先可以突出自己？於是有人拍攝大尺度寫真，着得少布不特止，甚至一件衫都唔着！來自美國佛羅里達州城市坦帕（Tampa）嘅Skyler Simpson，就唔認為一味靠露肉就可以上位，所以一直奉行若隱若現嘅路線。

話說呢位美女自細有個夢想，就係成為一位健身教練，擁有一間屬於自己嘅健身室，根本冇諗過加入模特兒界，而為咗圓夢，早喺大學時期已考取到健身教練執照，又喺健身室兼職，務求累積工作經驗兼賺取生活費，結果喺健身室被星探發掘，經常一番商議後，終於抱住一試無妨嘅心態出道。

憑住迷人嘅外形，Skyler Simpson一出道已備受注目，先後為多本時裝雜誌進行拍攝，又獲商品邀請拍廣告，發展相當順利。與此同時，佢一直有喺IG等社交帳號分享健身靚相，所以順便上載埋自己做模特兒嗰陣拍下嘅性感相，結果引嚟網友熱烈回響，仲慢慢變成人氣女網紅。

Skyler Simpson話根據自己嘅觀察，網民嘅回應有個特點，每當見到敏感部位若隱若現嘅寫真，特別多人留意，尤其係着住比堅尼飛釘，閒閒哋有幾十萬個Like！明白到網民嘅喜好，Skyler Simpson喺社交網分享嘅靚相，性感極都唔會露到盡，果然坊間反應一如預期，人氣不斷攀升，IG粉絲喺短時間內突破百萬大關，仲有唔少粉絲加入佢嘅OnlyFans帳號添！

雖然靠性感寫真獲得過百萬粉絲支持，但Skyler Simpson暫未打算露兩點，究竟呢種若隱若現嘅玩法有幾正？一於登入其社交網見識吓吧！

網址：https://www.instagram.com/skysky

出生地：美國

身高：175cm

三圍：34D-24-35

撰文：魂