有性趣：「雪橇現象」節日搵伴上床

兩性關係中嘅「雪橇現象」，係指節日到臨前會搵個伴侶，節日過完晒後便會分手，因類似雪季限定活動關係而得名。法國約會APP Happn早前便對600多名用家進行調查，發現有75%男女坦言只想搵個伴過節，待新年過後便打算跟對方分手，其中以年齡18至25歲嘅Z世代佔人數多。點解Z世代特別容易出現「雪橇現象」呢？從佢哋解釋中可見端倪，有60%嘅Z世代男女坦言只想搵人上床，其次係有50%嘅男女表示想喺寒凍之中搵個人擁抱，從中獲得溫暖感覺；第三位係有40%受訪者表示，唔想喺節日期間感到孤獨，第四位係有30%嘅男女想避免回答有關單身嘅問題，而排名第五位嘅原因則係想搵個人一齊參加節日派對。從調查結果嚟睇，上床曳曳係最重要嘅原因。