有性趣：聖誕示愛最有效？

英國電影頻道Sky Cinema早前進行一個關於最佳示愛節日嘅調查發現，有超過三分之一嘅受訪英國男女認為示愛嘅首選節日係聖誕節，而情人節則排名第二。佢哋表示聖誕節最啱示愛嘅原因，在於約對方出街嘅理由多，縱然被拒絕亦冇咁尷尬。咁乜嘢活動最啱喺聖誕日約對方出嚟及示愛呢？有18%認為一齊散步最易營造浪漫氣氛，示愛成功率更能大大提升。其次係睇戲，第三位係約心儀對象一齊裝飾聖誕樹，認為係既浪漫又有提高示愛成功率嘅活動。

話說回來，有部分支持聖誕節表白嘅男女，卻暗藏住並唔單純嘅動機，事關佢哋稱聖誕節表白後，好快就能進行床上活動之餘，若然唔啱Key嘅話，喺情人節分手，時機啱啱好！唔知大家又點睇呢？