有性趣：情趣動物娃娃有市場？

所謂「獸頭人身情趣娃娃」，顧名思義，身體係玲瓏浮凸嘅女性胴體，頭部卻係動物頭。萬聖節都過咗咁耐，搞啲咁騎呢嘅情趣娃娃出嚟，真係嚇鬼咩！原來一切係同美國嘅「性小眾」風潮有關。呢款騎呢娃娃係由美國情趣娃娃生產公司AllYourDolls，跟情趣娃娃品牌 Dolls Castle合作推出，據AllYourDolls發言人稱情趣娃娃要顧及所有客人嘅獨特需求與偏好，而Dolls Castle嘅設計方針正好針對性小眾呢類被忽略嘅一群，故此佢哋好榮幸跟對方合作。事實上，兩個品牌合作推出嘅獸頭人身情趣娃娃，款式除咗有貓女郎外，仲有牛頭女及豬頭妹。不過有網民指，美國嘅性小眾風潮有減弱趨勢，尤其電玩界更為明顯，呢個獸頭人身情趣娃娃系列有冇市場，大家拭目以待喇！