有性趣：老公睇鹹片罪大惡極？

已婚男士睇鹹片係咪罪大惡極？男女睇法可能不盡相同，之但係如果有位男士所睇嘅鹹片，當中嘅女主角原來係前女友，被老婆發現唔扯火就奇！

早前英國網站Mumsnet有位匿名已婚女士向婚姻關係專家求助，原因係佢發現老公睇鹹片，而片中嘅女主角係前女友！女士稱跟丈夫結婚7年，育有兩名子女，並一直向老公反映自己接受唔到對方睇鹹片，而令佢最扯火就係早前發現老公不但觀看前女友喺OnlyFans帳號中嘅全裸影片，更訂閱埋對方嘅帳號添！佢坦言見到老公嘅前女友一絲不掛咁自娛感到好嘔心，覺得老公同對方出軌無異，同時亦嚴重打擊佢嘅自信心，因為婚後多年自己嘅身材已不再苗條。點知老公回應話男人婚後睇鹹片同鹹網係好平常嘅事，仲指佢反應過敏。該貼文一出，便獲得眾多網民支持，稱佢丈夫睇前度嘅鹹片實在係罪大惡極，有人更稱男方唔值得原諒，唔知大家又點睇呢？