有性趣：海中黑鑽 壯陽勁掂

魚子醬之所以有壯陽功效，皆因每匙魚子醬中便至少含有一克嘅Omega-3，加上EPA和DHA無論係對健康或壯陽均具有相當助益。事實上，喺幾個世紀前西方人已視魚子醬為催情食品，好似法國皇帝路易十四便深信魚子醬能令佢喺床上表現得雄赳赳，連場激戰都冇有怕！受皇室風氣影響，唔止法國民間流傳呢種講法，連俄國女王葉卡捷琳娜二世同樣趨之若鶩，相傳夜夜笙歌嘅佢，之所以第二朝仍能精神奕奕咁處理政務，就係全靠由大白鱘魚子醬、雞蛋、牛油等製成嘅烘蛋卷。

此外，魚子醬含有大量蛋白質、維他命、鈣等，仲有賀爾蒙成分，當中尤其係蛋白質，更係對性事頻繁嘅男士有着事後補充嘅功效，而佢嘅賀爾蒙成分，亦對催動情慾有一定嘅作用。