有性趣：自己藝名自己改

大部分日本AV女優都會以藝名出道，而名字多數由所屬事務所幫佢哋改，至於取名方面亦有一定準則，例如個樣同知名藝人是否相似，所以早年就有一位同知名女團成員加護亞依好似樣嘅加護芽衣出現喇！不過點都好，藝名都係自己改最好，所以藤田悄最近決定幫自己改名。

今年23歲嘅悄妹，喺2020年出道拍寫真，當時佢嘅演出風格極具挑逗性，所以翌年就被AV大廠S1招攬成為專屬女優，而佢嘅AV作品水準甚高，只可惜廠內競爭相當大，所以半年後佢就轉以自由身方式發展。而最近藤田悄表示會改名為藤田柚子繼續演出，原因係佢覺得出道就快5年，舊有藝名係由事務所改嘅，因此佢希望改用自己鍾意嘅藝名，寓意未來嘅女優生涯由自己掌握，並且以一個自己鍾意嘅方式打拚喎！難得阿妹咁有主見，下次不如嚟個自編自導自演，為AV迷帶來新鮮感啦！