有性趣：激烈床戰最易受邊種傷？

曾有朋友同女友曳曳時，因一招「龍舟掛鼓」而導致撼穿頭兼爆晒缸，可謂樂極生悲，所以話曳曳都要注意安全呀！早前就有英國網站調查當地男女喺交歡期間曾受過乜嘢傷，而當中部分結果幾令人意外！

據英國婚外情交友網站「IllicitEncounters.com」所進行嘅調查，結果喺1,200名受訪男女中，有高達41%嘅受訪者曾喺曳曳時出現肌肉拉傷，其中以男士受傷佔大多數，力有不逮固然係唔少男士受傷嘅原因，但原來對女士嚟講，玩騎乘卻係容易拉傷肌肉嘅體位。排名第2位係因各種原因所造成嘅瘀傷，當中包括撞到傢俬、床頭板及跌落床等。至於第3位係令人感意外嘅燒傷，原因係地氈燒着所致，由於有唔少英國男女最愛冬天喺壁爐附近曳曳，卻因玩得太忘形而令地氈被爐火燒着，結果連自己都被燒傷埋。至於其餘嘅結果分別係眼睛及背部受傷，總括而言，上床曳曳為求Happy，受傷就真係Unhappy，所以大家要砌得小心啲喇！