今夜一丁：東大高材生 兼職拍寫真

呢個世界有人為口奔馳，亦有唔少人打緊風流工，現年33歲嘅東堂友就屬於後者，爸爸係建築師，屋企不愁衣食，所以呢位東京大學高材生喺畢業之後一直唔急於求職，家人亦冇作出催逼，試過有4年時間變咗宅女，喺屋企打住機咁搵工，有時又會應朋友邀請玩吓Cosplay，結果喺一次機緣巧合之下，被星探賞識，繼而以28歲之齡加入寫真女優行列。查實東堂友擁有一副五官標致嘅亮麗娃娃臉，個樣同女星水崎綾女有幾分相似，再加上肌膚白滑，體態纖巧，雙腿修長，同埋有對脹卜卜嘅E奶，呢副人瘦胸大嘅身材，確係好啱寫真迷嘅胃口！

出生於千葉縣嘅東堂友，自細受父母感染，好鍾意睇書，學業成績相當好，唔止考入赫赫有名嘅櫻蔭中學校，仲成功入讀收生條件極高嘅東京大學，主修心理學。畢業後，阿妹試過做待業青年長達4年，最終搵到一份辦公室工作。家陣佢依然做緊OL，拍寫真只係兼職，通常喺周末先開工，所以佢覺得自己嘅生活算係幾充實。

講起拍寫真，外表斯斯文文嘅東堂友，作風大膽，唔止衣着極暴露，仲經常對住鏡頭做出極具挑逗性嘅動作添！最近，佢又推出新作《お人形遊び》，當中有唔少露出度極高嘅靚相，估唔到做兼職都咁拚搏，呢份敬業樂業嘅精神，確係抵讚！

可能係高材生嘅關係，東堂友自信心爆棚，唔介意向觀眾展示自己嘅美好身段，登入其社交網，就會搵到唔少養眼度極高嘅靚相。

網址：https://twitter.com/tomooaty

出生地：日本千葉縣

身高：5呎6吋

三圍：34E-23-35