有性趣：收費色情電話翻Hit？

唔知大家仲記得「173-173-173」呢串數字呢？冇錯！就係喺90年代盛極一時嘅收費色情電話喇！咪以為呢種熱線服務行業已經式微，最近有一間美國公司Moshi Moshi推出成人語聊平台，供男女盡訴最鹹濕嘅綿綿情話。

佢有別於以往嘅色情電話，玩家可透過APP或網頁註冊會員，並且預先付上一定金額後，就可以喺平台揀選心儀對象傾偈，而喺傾談期間亦可以進行打賞。可能有人會覺得同網絡裸聊，或成人直播玩法咪差唔多？咁又有啲唔同，分別在於Moshi Moshi僅供語音聊天，並冇視頻功能，換言之，玩家只能聽到對方把聲，卻睇唔到對方個樣㗎！不過咁玩法係咪令樂趣少咗一大截呢？據Moshi Moshi嘅創辦人Gary Miamii稱，呢個服務專門針對長途車司機、辦公室男女等唔方便玩視頻嘅玩家，而最重要嘅係因為見唔到個樣，所以會令玩家有更大嘅想像空間。究竟呢項服務係咪真係大有可為？咁就有待觀察喇！