有性趣：邪能勝正銷量勁

近年，日本影視製作人好鍾意將動漫作品改編為真人版作品，但好多時都收獲大量負評，最近又有個好例子！話說人氣作品《戀上變裝娃娃》喺2022年登場之後廣受歡迎，近期被拍成真人版劇集，原著中有一幕講述性感辣妹角色喜多川海夢發姣打開件恤衫，搞到酥胸半露，令唔少人留下深刻印象，殊不知劇集呈現嘅畫面係另一回事，觀眾指扮演角色嘅女演員永瀨莉子生得唔夠靚，似大嬸多過辣妹，又冇好似漫畫中咁換上比堅尼出鏡，結果被漫畫粉絲們狂插，之後仲有人搵番一套同樣取材自《戀上變裝娃娃》嘅AV作品《その着せ替え人形》嚟做比較，話片中女主角逢見梨花先稱得上係辣妹，仲要係好大波添，完勝永瀨莉子嘅版本！隨後有唔少人搵番呢套喺2022年推出嘅舊作嚟欣賞，結果喺AV銷售網FANZA嘅排行榜火速攀升至第8位！下次要重拍動漫作品嘅香艷場面，或者直接搵AV女優拍攝會更加好！