有性趣：牛油果愈食愈起勁

位於墨西哥嘅古代阿茲特克人，視牛油果為男士壯陽水果。據傳呢種早於八千至一萬年前喺秘魯種植嘅植物，因其果實外形似睪丸嘅關係，所以稱牛油果樹做「睪丸樹」，並認為牛油果能夠增強男士嘅精力，跟中醫嘅「以形補形」說法相同。

不過從營養學角度嚟睇，每百克牛油果，含有百分之二十葉酸、百分之十四鉀以及百分之十維他命E，而呢三種成分對睪丸酮嘅分泌有着關鍵嘅作用，要知道睪丸酮係一種性激素，對喚起男女性慾有着重要嘅功效，故此牛由果便被視有助增強男士雄風嘅作用。此外，因牛油果含有豐富嘅鉀，對男士嘅勃起功能上亦具有一定幫助。

不過大家要注意，有腸胃消化問題、對牛油果過敏、低血糖、低血壓等人士都不宜食用。另外，牛油果含有維他命K，會促進肝臟製造血液凝固分子，需要長期服用薄血藥人士不宜進食，以免削弱薄血藥嘅藥效。