和味寫真：九頭身女神極迷人

雖然家陣好多傳媒都將「女神」二字濫用，但係真係可以稱得上達到「女神」級數嘅日本寫真女優都仲係有唔少，例如齋藤恭代呢位最近喺寫真界人氣高企嘅美人兒！

恭代擁有5呎8吋九頭身高挑身材，集巨乳、纖腰及長腿於一身，簡直就係上天嘅傑作呀！佢近期喺寫真界相當活躍，仲推出咗第二集寫真DVD《無敵の女神》添！由於恭代一向都行健康性感路線，所以喺作品當中嘅演出唔會話好大膽、好有挑逗性，但係可以見到阿妹享受陽光與海灘嘅時候，展露一副完美體態，仲可以見到佢綻放出攝人神魂嘅甜美笑容！而恭代更鮮有地換上性感又充滿健康美嘅運動裝，喺戶外玩樂同做運動，展現出陽光活力嘅迷人一面！至於返到室內，見到恭代一臉陶醉咁出浴，同時令人為之心動！