有性趣：食葡萄多子多孫？

稱人做「葡萄友」，係指佢妒忌別人，心裏面感到酸溜溜嘅意思，但原來喺古代西方葡萄係有祝福他人多子多孫嘅含意。呢個並唔係都市傳說，而係從營養學嚟睇，葡萄含有豐富纖維、維他命C、B2和B6，呢啲營養素對於賀爾蒙生成及身體健康都有幫助，其中維他命C、鉀和錳對男人嘅性健康特別有功效，可促進血液流動，有助改善勃起功能障礙。

葡萄嘅壯陽歷史可以追溯到古埃及，當時人們已經將葡萄與浪漫和性慾聯繫一起，只係葡萄存放時間短，故此便將葡萄釀成美酒，保留其催情作用。事實上，考古學家喺古埃及墓葬中發現葡萄酒嘅痕迹，墓壁嘅春宮壁畫上，男女行房時亦不忘手捧一杯葡萄酒，顯示出葡萄自古以來就被視為具有催情作用嘅水果。此外，古羅馬人和古希臘人所崇拜嘅生育之神巴克斯，正係以葡萄和葡萄酒為象徵物，故此喺婚禮上會贈送新鮮葡萄畀一對新人，祝願佢哋多子多孫。