有性趣：脫星「禁區」咪亂摸

提到身體上嘅「禁區」，大家會聯想到邊個部位呢？相信都係後花園之類，不過有位英國脫星就話自己嘅禁區並非呢個位置，而係另一處地方，仲話邊個掂親都會同佢即刻反面呀！

來自英格蘭威爾斯嘅28歲脫星Evie Rees，早前傳出跟床上對手鬧不和，被媒體問到佢因乜嘢事同對方嘈起上嚟時，仍然相當勞氣，原來係男方搞佢個粉紅色假髮呀！

喺2018年出道嘅佢，本來冇戴假髮，及後因為健康問題導致嚴重脫髮，為遮掩稀疏嘅頭髮便開始戴粉紅色假髮演出，並成為佢個人標誌，同時人氣亦愈嚟愈高，就係因為咁，佢嚴禁其他人觸碰假髮，邊個掂親都冇面畀！Evie Rees稱試過演出激烈床戰時，男優抓住佢個假髮推車仔，嬲到佢即時嗌停兼鬧爆對方，而今次又因為有猛男搞佢個假髮，所以佢咪嬲到着火囉！不過有網民覺得Evie Rees過分執着，而且呢個粉紅假髮形象睇耐咗都會厭，係時候要轉換造型喇！