今夜一丁：石井優希 高挑甜姐兒

提到日本寫真界嘅高挑美人，染谷有香、片山萌美、山崎真實都係大家熟悉嘅名字，但有冇發覺佢哋仲有一個共通點，就係氣質同身材一樣咁高...傲呀！筆者嘅意思唔係話呢幾位高妹唔識得笑，但相對嚟講，佢哋嘅師妹石井優希又真係平易近人得多！

今年19歲嘅優希，有一副可愛童顏，氣質稚嫩，笑容甜美又親切，因而獲得「笑顏之天才」呢個稱號。身材方面，優希有成5呎8吋高，雙腿生得又長又靚，最難得嘅係心口有對睇頭唔錯嘅D奶，絕對唔係高瘦平，着起泳衣時零舍吸睛。

石井優希自細已夢想成為藝能偶像，所以成日跟住阿媽去出名多星探嘅原宿行街，希望有機會得到星探賞識，最終得償所願，獲藝能事務所提供合約，成為美少女組合「原宿站前Party NEXT」嘅成員，之後相繼加入唔同組合發展，仲開始參與寫真拍攝工作，兼且喺「全國女子高中生制服收藏2022」呢個選美活動中奪得「YOUNG JUMP TV獎」。

最近，優希喺寫真界嘅活躍度持續上升，但為咗維持生計，平時仍要做吓兼職，就係喺超市做收銀員。阿妹話呢份工最大嘅好處係可以靈活調配上班時間，冇咁困身，但講到底，可以唔使做兼職梗係最好不過，所以好希望有機會拍多啲寫真，從而增加收入。

石井優希嘅首本寫真集喺最近面世，現正忙於為新作做宣傳，登入其社交網，就會睇到相關消息，仲可以搵到唔少靚相添！

網址：https://twitter.com/ishii_yuuki_

年齡：19歲

身高：5呎8吋

三圍：34D-25-36