有性趣：做過就要飲

由美國情趣用品Kheper Games推出嘅最新成人桌遊「Drink if...For Lovers Version」，睇個名就知佢同飲酒有關，玩法亦相當簡單，即係真心話卡牌遊戲，適合2至20名玩家進行，情侶玩就更啱Feel。玩家先擲骰，然後按冧巴抽取相應數字嘅卡牌，並根據卡牌上嘅問題回答，例如：「如果你擁有任何會震動嘅玩具，請飲酒」、「如果你曾經將任何一條內褲放過入口，請飲酒」等，總之有做過嘅就要飲酒，飲幾多由玩家自行決定。呢個遊戲簡單，卡牌問題幽默又唔低俗，卻同時有成人味道，最重要係能增加情侶間彼此認識。事實上，佢係「Drink if」系列最新登場作，之前嘅「More Drink if…」、「Drink if…Totally Fxxxed」等均大受歡迎，唔知大家又有冇興趣呢？