有性趣：男友鍾情嫩妹即飛！

男人鍾意後生女係好正常，只係因為咁而成為被分手嘅原因，又會否覺得好冤枉呢？有位巴西女網紅就係呢個原因，即飛男友喇！

來自巴西嘅23歲模特兒兼網紅Sabrina Low，最近成為熱話人物，事緣IG擁有超過8萬粉絲嘅佢，宣布同45歲男友分手，原因係發現對方只跟25歲以下嘅女仔拍拖。佢好奇問點解，對方坦言不但從未跟25歲或以上嘅女性約會過，亦從未諗過將來會有超過25歲嘅女伴，就係因為咁，佢深感男友對愛情唔認真，故此即刻跟對方分手。雖然Sabrina Low自稱對愛情認真，但係網民就唔認同，紛紛翻出佢因堅持要着超暴露伴娘裙，而被新娘拒絕參加婚禮，仲有佢曾經搭上有婦之夫男網紅嘅舊帳，又有佢曾稱女人跟男士約會唔應該畀錢等言論，亦有網民覺得Sabrina Low只係做新聞谷人氣，認真嘥氣！