有性趣：白居易有個寫鹹書細佬？

喺唐朝曾官拜從五品「主客郎中」嘅白行簡，喺當時文壇亦有一定地位，但講到最出位嘅莫過於所著嘅《天地陰陽交歡大樂賦》，單睇書名係咪覺得有鹹味呢？現藏於法國國家圖書館，喺19世紀末被法國漢學家伯希和發現其殘卷後，從敦煌帶回法國，只係書中內容鹹成點呢？引用幾句原文畀大家睇：「淺插如嬰兒含乳，深刺似凍蛇入窟。扇簸而和核欲吞，衝擊而連根盡沒。乍淺乍深，再浮再沉。舌入其口，屝刺其心，濕澾澾……」呢段描述床上活塞運動嘅文字，不但生動活潑又通俗易明，更係言簡意深兼令人有晒畫面，可謂色情文學嘅極品！不過如果話佢係單純嘅色情文學，卻未免有啲偏頗，皆因當中有唔少性知識、唐朝時嘅性風俗及文化記錄，縱然現今睇番仍相當有參考價值，只係現存僅為殘本，未能一睹全書實在可惜。