有性趣：鬚根增強快感

由英國公司Wilkinson Sword進行關於鬍鬚嘅調查，搵嚟2千名英國男女參與，而調查嘅其中一個部分，關於鬍鬚同性魅力之間嘅關係，結果發現有百分之四十六嘅受訪男女認為下巴滑捋捋吸引啲，而覺得留鬍鬚更有魅力嘅卻佔百分之五十四。不過男士咪咁快下決定留鬚，事關調查同時發現喺支持留鬍鬚更具魅力嘅受訪者中，僅得5%認為長鬍鬚嘅男士好性感，而其他受訪者不約而同指出鬚根至係男士嘅魅力所在！有唔少受訪女士表示鬚根男有種不修邊幅嘅雄性魅力，令佢哋有心動嘅感覺。事實上，有性學家指出女士鍾情鬚根男嘅原因，在於對方進行口愛時，鬚根嘅摩擦能為女方帶嚟刺激快感。