有性趣：男友唔換底褲好難頂

大家身邊有冇男士經常埋怨另一半唔同佢行房呢？而唔少男士會歸咎老婆工作忙碌，或要照顧小朋友，所以冇心情曳曳，但其實當中原因可能係同佢哋嘅衞生問題有關。

早前網絡社區Reddit有位匿名女網民發文求助，表示自己已跟同居男友半年冇曳曳，原因係男友太污糟邋遢！佢稱男友24歲，而佢則係21歲，拍拖一年後同居，卻發現男友有嚴重衞生問題，最初佢發覺對方經常將着過嘅衫唔洗，求其疊埋就算，後來又發現佢唔會丟垃圾，不過最令佢接受唔到嘅係男友唔換底褲，個陣酸餿味真係好難聞！仲有最離譜係男友試過趁佢瞓覺時請食「雪茄」，強烈異味不但驚醒咗佢，仲臭到嘔埋出嚟添！佢坦言已經唔想同男友有親密行為！而一眾網民梗係力撐佢，不過佢早前更新貼文指男友開始注意衞生，算係好消息啦！