有性趣：男人食蘆筍猛如龍

蘆筍向來有「蔬菜之王」美譽，原來佢有一個功效係男人都鍾意嘅，就係壯陽喇！佢之所以有咁嘅功能，皆因含有維他命B6及葉酸，呢兩種元素能幫助男女喺房事上提高興奮感，此外亦富含維他命E，對男性生殖系統嘅健康至關重要。

其實蘆筍早喺文藝復興時期嘅歐洲，已用作治療男人性功能障礙嘅食材。據Nicholas Culpeper喺1653年所著《Complete Herbal》中記載，將蘆筍放喺酒中煮沸，並連續幾日朝早空肚食用，便能激發性慾。此外，喺19世紀嘅法國新郎於新婚前夕，有食用蘆筍嘅習慣，以提升洞房時表現。不過蘆筍屬於高鉀蔬菜，若因疾病需要限制鉀飲食嘅人士便需要留意，蘆筍前端處「普林」含量較高，若要食用嘅話就建議食後端，或完全煮熟後食用為佳。