有性趣：甜心寶貝月入超過30萬

今年33歲嘅Chloe Amour擁有多個身份，除咗係網紅、裸模及脫星外，最為人所熟悉嘅就係甜心寶貝（Sugar Baby），現時有5位金主爸爸嘅佢，不但經常喺IG分享被包養生活，早前更自爆每月獲得超過30萬港元包養費，仲有大量奢侈品兼經常到哥斯達黎加、杜拜、邁阿密等地方旅遊。Chloe Amour自稱10年前開始被包養，每月開支均由金主爸爸支付，其中一位更提供一張簽帳額10萬美元嘅黑卡。不過Chloe Amour曾遇過一位佔有欲強嘅金主爸爸，對方送名車又送大屋，但係就逼佢放棄晒所有工作專一陪佢。最後Chloe Amour話唔打算一直做甜心寶貝，希望有日能成為賢妻良母喎！