有性趣：兵器增大術勿亂試

英國倫敦著名泌尿科醫生Gordon Muir早前接受媒體訪問時，表示喺過去半年有幾十名男士，曾到土耳其進行陰莖增大手術後出現各種問題，而當中更有男士嘅兵器難以回復到手術前狀況。佢指出喺呢啲地區進行陰莖增大手術，通常會將填充劑直接注射到陰莖，本身風險已極高，因而經常喺手術後會出現各種不良反應，永久性神經損傷及留疤痕固然常見，部分嚴重者更會導致生殖器畸形及出現併發症。Gordon Muir仲話見過唔少兵器注入凡士林同矽膠等物質，事後取出極度困難之外，更唔能夠保證陰莖可以回復正常狀態，故此佢提醒男士們千祈唔好貪平或想提升雄風而進行呢類高風險手術。