有性趣：炮轟人妻 嫖妓有理

出生於英國、現居於澳洲黃金海岸嘅25歲脫星兼應召女郎Bonnie Blue，經常喺IG分享靚相及大談性經，其實佢已非首次發表嫖妓有理嘅言論，而早前佢嘅一番話，再次令佢成為網絡話題性人物。佢指男人去滾，其實有助改善夫妻關係，原因係老婆唔使同老公歡好，自然有更多時間照顧家庭。此外，男人本身係貪新鮮，如果性伴侶只有老婆一個嘅話，就好似每日逼佢哋食茄汁豆多士一樣，幾鍾意食都會厭，更何況男人同應召女郎只係金錢關係，交易完就冇手尾跟，總好過背妻出軌。有唔少女網民不滿佢嘅講法，不但唔尊重女性，更唔尊重自己，而Bonnie Blue則笑稱佢只係從男人角度出發，人妻點做係佢哋嘅選擇。