有性趣：激矮舞孃愛得冧

來自美國並號稱「全球最矮脫衣舞女郎」嘅32歲Sassee Cassee，早前接受網絡節目訪問時，帶埋細佢13歲及身高5呎7吋嘅男友Blake現身，並分享愛情及閨房故事。佢表示跟Blake係透過社交媒體認識，交流一個月後便發展成為情侶，雖然兩人經常被外界批評身高及年齡嘅差距，更嘲諷佢哋之間只有可怕嘅性生活，Sassee Cassee就話佢哋係因為彼此性格而互相吸引，經過深思熟慮後至拍拖，所以唔擔心會被網絡留言而損害到感情。至於性生活方面，稱兩人相當合拍之餘，任何花式體位都難佢哋唔到。訪問到最後，Blake更大讚女友係個心地善良及愛笑嘅人，令佢每日都活喺陽光之中咁話。