有性趣：下體傳異味 女友拒曳曳

早前網絡社區Reddit有位匿名女士，分享拒絕跟男友曳曳嘅經歷，佢表示近排發現同居冇耐嘅男友，身上總係傳嚟一種尿騷加腐肉嘅異味，最初以為男友冇沖涼，於是勒令對方每日都要沖多幾次涼，保持衞生乾淨冇異味，但係到午夜時分，男友身上卻又傳來陣陣異味！為此佢曾多次向男友反映問題嚴重性，並多次拒絕曳曳，甚至拒絕同床。

而男友坦言已經沖乾淨涼，並睇過醫生證明冇感染性病，但仍搵唔出原因，直到有日見到男友小便後，終於真相大白，原來係未抖乾淨尿液，便將兵器收入褲襠。咪睇小呢個動作呀！醫生稱尿液喺潮濕悶熱環境中，容易孳生細菌，從而產生異味，相當難聞，故此男士們記得小便後要抖乾淨呀！