有性趣 ：單春處男感迷茫

早前有位匿名男網民喺網絡社區Reddit上發文，表示8歲時因為進行疝氣手術之後，只剩低一粒蛋蛋，由於有別正常男人，故此作為處男嘅佢，若然跟女友初嘗雲雨時，被發現自己係單春男，擔心會嚇親對方繼而拒絕曳曳，於是請教一眾網民應否事先張揚單春事實。貼文一出，即引嚟過百網民留言，唔少人稱其實女人唔會理男士係單春定孖春，只在乎床上表現，有人更稱跟老婆已婚十幾年，對方從未觸碰過佢兩顆蛋蛋。又有一位60歲男網民自稱係單春男，同老婆結婚34年，性生活一直美滿愉快。咁單春會否影響性能力及生育呢？其實單春並唔會影響男士嘅性能力，至於喺生育上，雖然精子量確會減少，但單春仍足以製造過億精子，足以完成受孕大業，故此唔使擔心。