有性趣：食零食增強戰鬥力？

咁邊種零食可以健康得嚟又能提升性慾，尤其對女性更有效果呢？答案就係含有葉酸嘅零食喇！早前一項由伊朗Hedyeh Riazi博士團隊所進行嘅研究，搵嚟100名中年女性進行實驗，將佢哋分為兩組，一組連續8周每日吸收5毫克葉酸，另一組則服用安慰劑，結果葉酸組嘅女性喺性慾、性高潮以及滿足感等均有所提升。不過，Hedyeh Riazi博士坦言仍需要更大量研究數據，至能確實肯定葉酸有助增強性慾。事實上，該團隊早前亦有研究報告指，葉酸對改善男士勃起功能障礙有幫助。咁講咗咁耐，究竟有乜嘢零食含有葉酸呢？答案就係花生、核桃等堅果，而雞蛋、菠菜、羽衣甘藍等同樣有益㗎！