有性趣：絕密四仔驚多過喜

如果斯文賢淑嘅老婆，某夜突然分享一套年輕時所演出嘅絕密四仔畀你睇，作為老公會有乜嘢反應呢？講緊嘅唔係電影劇情，而係一位女網民嘅親身經歷。

早前人氣X帳號Fesshole上有位匿名女士發文，話佢老公睇到自己年輕時演出嘅四仔嗰陣，竟然係毫無反應，實在令佢懷疑自己嘅魅力！該女士稱佢同老公有個閨房習慣，就係先睇四仔再曳曳，有一晚，佢決定跟老公分享一個秘密！原來喺佢大學時期，曾經參演過一套四仔，為咗畀到老公「驚喜」，佢花咗好長時間終於搵到當年嗰套作品，諗住老公睇到之後，一定會好驚訝，並且因見到佢跟其他男人曳曳而興奮，卻估唔到老公嘅反應非常冷淡，仲話唔鍾意睇！貼文發出後，有網民坦言縱然老公鍾意睇四仔，亦未必想睇老婆同其他男人曳曳，亦有網民稱呢種做法猶如賭博，真心覺得呢位女網民玩大咗！