有性趣：網紅靠裸體搵食

現居於美國洛杉磯嘅31歲Steph Sinn，喺2020年開始經營社交帳號，並以分享裸體生活為主，除咗喺IG分享體驗外，佢亦會喺X帳號分享裸體生活照，只係如果想睇充滿美感藝術性嘅裸照，就要登入佢嘅會員帳號喇。現在喺網上教授裸體瑜伽嘅佢，早前接受媒體訪問時，表示自細已經喜歡裸體無拘無束嘅生活，只係長大之後就收斂咗。及至成為游泳運動員，並一個人搬出嚟住之後，便重啟佢嘅裸體生活模式，除咗練習游泳之外，幾乎全天候剝光豬。而告別運動員生涯後，佢轉投網紅界搵食，坦言現時除咗出街購物外，其餘時間佢都係唔着衫，當中尤其愛裸體行山。不過，佢重申並非想宣傳裸體主義，只係想畀更多人認識到另一種生活方式而已。