有性趣：情侶激戰砌到冧屋

男女情到濃時，喺床上互動難免會激情一啲，但搞到冧床已經夠誇張，仲要間屋都幾乎冧埋，實在係匪夷所思！

早前一位匿名女網民喺網絡社區Reddit發文求助，皆因經常有性衝動嘅佢，頻頻同男友激戰，令屋企就嚟變成危樓，希望有人可以畀啲建議。呢位女網民自稱身高5呎3吋，體重有210磅，而男友就有6呎3吋高，體重達220磅！最大問題係佢哋嘅性慾好強，每日起碼要上床兩次，最多試過一日8次！由於兩人噸位唔細，曳曳時又夠晒狂野，同居冇幾耐已整冧咗一張床，仲震爛埋張大梳化。早前佢發現床腳插穿咗地板，床頭更幾乎隊穿牆身，與此同時，屋企一條木柱已被撞斷！佢話之前試過喺地上曳曳，但因為體重關係會壓到佢哋透唔到氣，亦有網民建議佢搬到以水泥或磚頭建築嘅單位，並換上金屬製床架，但呢位女網民就話莫財冇錢搬，唔知閣下又有乜嘢高見呢？