有性趣：AI認證最正美股

早前著名男士雜誌利用AI幫手，搵出全球最正嘅美股網紅，結果由現居於英國倫敦嘅27歲性感女網紅Tyffany Santos，成為首位獲AI認證最正美股女郎！可能有人會問AI嘅評選準則係乜呢？原來AI會根據全球性感女網紅嘅寫真照進行篩選，並從臀部嘅對稱度進行評分，愈渾圓翹起又對稱嘅臀部，便能獲得最正美股稱號。至於評選過程嚴唔嚴謹、科唔科學就見仁見智，但Tyffany Santos對呢個結果感到相當滿意，仲話呢兩瓣股肉得來不易。原來佢為咗令臀部又圓又翹，每日都會做深蹲鍛煉，又喺健身室操器械，並且透過嚴格控制飲食嚟保持體態，每月更用上超過1千英鎊為臀部進行護理，而喺今次獲選後，佢更考慮為個躉買保險添！