有性趣：情趣娃娃測試員

有得玩又有錢搵，咁嘅筍工喺邊度搵？英國有間情趣娃娃公司就提供咁筍嘅工作機會，只係份工究竟係做乜嘅呢？

英國情趣用品公司Doll Authority，近年積極發展AI情趣娃娃，而為咗令所研發嘅產品更具創新性、互動性及享用性，於是早前向全球招聘情趣娃娃測試員及AI培訓師，而且唔使返Office，可以在家工作，換言之，縱然喺地球另一方，都能夠參與呢次招聘之餘，年薪仲高達5萬英鎊（約50萬港元）！高回報嘅工作，當然有相當高嘅入職要求，測試員需要對細節有高關注度、出色嘅溝通技巧、有產品測試經驗、對AI嘅興趣、熟悉成人產品資料等，並且能以謹慎及專業嘅態度處理敏感內容。Doll Authority補充指，無論男女，只要年滿21歲，便可到官網申請，唔知大家有冇興趣呢？