有性趣：咖啡助性係心理作用？

有支持者認為咖啡具血管擴張作用，而血流量改善跟性高潮有密不可分關係，而眾多調查亦發現，常飲咖啡嘅女性較易獲得性高潮。不過反對者卻認為，咖啡跟性高潮並冇直接關係，不過佢哋嘅說法多數係出自個人感受，並冇客觀證據支持。關於以上兩種爭論，著名性健康專家Sarah Mulindwa早前接受媒體訪問時，表示雖然近年有唔少研究指咖啡因有助提神，令性慾得到提升，但性高潮並非單純物質問題，亦跟心理因素有關，因此點解有女士稱飲咖啡有幫助，亦有人覺得冇反應。Sarah Mulindwa進一步指影響性高潮嘅因素，仲有身體健康、情緒狀態、與伴侶嘅關係等，不過佢又補充，如果有情緒緊張、焦慮等問題，飲咖啡係個好選擇之一。