昔日東方今夜一丁：今森茉耶 日菲甜心天使
數日本新一代嘅人氣女星，曾被稱為奇迹美少女嘅橋本環奈都算係代表人物之一，難怪一有撞樣新人登場，外界往往會拎嚟同環奈作比較，包括最近加入寫真界嘅混血美少女今森茉耶。
青春逼人
有人話，男士喺睇女方面好「專一」，無論係少男、中佬、大叔抑或銀髮族，總係對青春玉女情有獨鍾，呢個講法只要睇吓日本寫真界咁落力拉攏少女入行就可以得到印證，就好似今日為大家介紹嘅今森茉耶，喺今年3月先剛剛年滿18歲，真係夠晒嫩口！
出生於日本宮崎縣嘅茉耶係一名混血兒，有一半菲律賓血統，長相甜美，氣質清純，特別係一雙精靈動人嘅明眸更加係笑意盈盈，絕對可以用甜心天使嚟形容，同當年嘅橋本環奈有幾分相似！身材方面，茉耶瘦得嚟又有啲曲線，事關心口有對分量唔細嘅美乳，肌膚仲要鮮嫩白滑，吸睛度不比其他大波妹遜色！
選美冠軍
家陣好多年輕人都會拍吓短片擺上社交平台，茉耶亦唔例外，除咗為佢喺網上爭取到唔少流量，仲因此獲得藝能事務所垂青，成功投身藝能界。為咗吸引多啲人關注，茉耶順勢拍埋寫真，仲喺2023年雜誌小姐選舉中奪得冠軍獎座添！自此之後，阿妹喺寫真界嘅活躍度大增，更加獲得推出首本個人寫真集嘅機會。
提到呢本寫真集，出版商喺安排上可以話幾有心思，事關拍攝團隊特登去到茉耶媽媽嘅出生地菲律賓取景，令阿妹相當感動。除咗拍寫真，茉耶嘅演藝事業亦發揮得唔錯，最近仲有份參演知名日本導演清水祟嘅電影新作《這是誰？》添！
社交網站
今森茉耶喺近期嘅寫真工作一個接一個，登入其社交網，就可以留意到相關消息，仲會搵到唔少靚相添！
Profile
年齡：18歲
身高：5呎4吋
三圍：33-23-34
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
