有性趣：床底發現胸圍老公出軌？

好多時老婆憑住一啲蛛絲馬迹，就會發現老公有冇出軌，好似有位外國女網民因為發現床底有個唔屬於自己嘅胸圍，便懷疑個衰佬偷食！

早前美國網絡社區Reddit有位女網民發文求助，想集眾網民嘅智慧，推測佢嘅30歲老公係咪出軌？話說有日佢整理睡床時，發現床底有個胸圍，但肯定唔係屬於自己嘅，因而令佢懷疑老公偷食。不過佢又稱，老公係一個擔屎唔偷食嘅人，個胸圍可能係之前聘請嘅家務助理留低，因為佢同老公經常去旅行，所以會請家務助理幫手執屋同清潔。網民建議佢先查明真相，咪怪錯老公，亦有網民建議直接詢問嗰位家務助理，但大前提若然佢真係同老公有「景轟」，未必會講真話囉！最後該女網民決定將胸圍原封不動，再叫老公執床底，睇吓個衰佬嘅反應再作決定，睇嚟要捉姦真係唔易呀！