有性趣：小鮮肉兵器更長？

來自西班牙嘅泌尿科醫生Blanca Madurga喺早前推出嘅著作《Todo Lo Que Necesitas Saber Sobre El Pene Y Nunca Te Atreviste A Preguntar》中指出，現今男士嘅平均兵器長度為12至15cm，數字比50年前平均長度為長，原因係同飲食習慣改變有關，喺成長期間吸收更多蛋白質，現代年輕人唔止生得比較高，兵器亦變得更長。

不過Blanca Madurga卻表示，男士其實唔使擔心兵器唔夠長，皆因兵器喺硬直下嘅長度，只要超過6cm便能滿足到女士嘅需要，因為女性嘅陰道長約10cm，快感帶只集中喺前面三分之一區域，故此毋須過分關注兵器嘅長度，反而應注意床上技巧。此外，Blanca Madurga認同兵器大細，跟鼻子大細之間嘅關係，原因在於兵器及鼻子喺母體內發育程度，均同母親嘅睪固酮水平有關。