有性趣：藝能人女優加盟S1

自從三上悠亞同AV界講拜拜，日本AV大廠S1嘅專屬女優陣容少咗一員猛將，始終唔夠完美，好彩喺近日又畀佢哋執到支好籌，成功招攬到金松季步加盟，總算有番一位具名氣嘅藝能人壓場。

曾經加入日本超人氣大型女團AKB48嘅金松季步，當時嘅藝名叫金子智美，畢業後轉型做寫真女優，推出過唔少極具挑逗性嘅作品，亦經常喺電視節目中亮相，演藝經驗豐富，所以人氣一直Keep得到。自從季步宣布投身AV界，坊間引起唔少討論，處女作由專為女藝人拍AV嘅MUTEKI製作，喺今年3月推出，但之後靜咗落嚟，唔少人以為佢一碟玩完，直至S1發表7月新作名單，真相終於揭曉，原來佢會以S1專屬女優身份繼續喺AV界發展。相信有大廠支持，季步喺未來日子會有大把動作，各位AV迷唔怕冇精彩作品欣賞喇！