有性趣：安全套唔熱得㗎！

英國安全套零售網站Condoms研究團隊，早前發表調查報告發現唔少人都享受喺曬太陽時曳曳，本來性趣嘅嘢無得挑剔，但該團隊卻同時發現，唔少人貪方便都將安全套放喺銀包、褲袋、背囊等地方，導致安全套嘅安全性大減，因為安全套只能承受一定程度嘅高溫，如果曬太陽時將安全套隨身攜帶，就算冇被太陽直接照射，喺高溫環境仍有機會令安全套變得脆弱。團隊建議安全套應該放喺陰涼而乾爽嘅地方，最好用盒子或容器存放。此外，團隊又發現唔少男士原來唔知道，每個安全套都有保質期限，而期限則印喺每個安全套嘅包裝袋上，如果使用過期安全套，就會變得唔安全喇！