有性趣：被速遞員打擾曳曳

早前一項由英國博彩網站邀請2千名成年男女參與，關於最常打擾男女曳曳嘅原因調查中發現，有超過一半受訪者表示都經歷過喺曳曳途中被子女敲門，而每次聽到敲門聲，都會令佢哋失去晒性趣，卻又唔可以埋怨子女，真係有苦自己知。第二位係電話及短訊，尤其對從事客戶服務嘅男女嚟講，唔接電話的話，隨時飯碗不保。第三位就係速遞員，有男受訪者埋怨由於佢同老婆都係返夜班關係，故此經常喺上午或下午曳曳，卻總係會遇到速遞員呢個時候送貨。不過有網民就替速遞員感到不值，因為上午或下午呢段時間係送貨高峰期，更何況佢哋唔知收件人幾時會搞嘢，咁都被埋怨就認真無辜。