和味寫真：千錘百煉 魅力更盛

冇人可以未學行先學走，亦好似日本寫真女優咁，好少話一出場就成為萬人迷，就算有，若然唔靠努力提升表現，好快就會被觀眾睇厭，好彩鈴木聖絕對唔係呢種人。今年23歲嘅佢生得一副清麗親切嘅美人胚子，身材高挑又好波，初登場嘅時候好快就備受注目，之不過阿妹都明白不進則退嘅道理，除咗透過睇最鍾意嘅漫畫學習面露更多表情，仲努力去健身室操弗自己副偈，大家如果想欣賞鈴木聖千錘百煉過後嘅魅力，就千祈唔可以錯過佢最新嘅寫真DVD《轉生したら鈴木聖だった件》。喺作品中佢着上精心剪裁嘅比堅尼，將其弗爆身段襯托得更加誘人，而最令人睇到目不轉睛嘅係，鈴木聖會向鏡頭展露出好多誘惑嘅表情，加埋個靚樣，實在令人睇到如癡如醉！