有性趣：出道一周年改名更「和」味

俗語有云「唔怕生壞命，最怕改錯名」，好多AV女優見自己做極都唔紅，往往使出改藝名呢一招，當中有人又真係成功彈起，唔到你唔信！最近又有一位美乳女優決定改名，但同人氣唔夠紅冇關，而係為咗一個特別原因，佢就係茉城麻美。

喺上年4月推出一輯寫真之後宣告下海嘅茉城麻美，家陣貴為AV廠FALENO嘅專屬女優，人氣仲相當唔錯，事關佢嘅顏值甜美、身材婀娜、肉地白滑，喺鏡頭前仲表現得精靈活潑，確係一位不可多得嘅高質女優。最近，麻美喺社交網上宣告自己將改名為善場麻美，理由係要趁自己出道一周年作出改變，利用名字中嘅「善」字嚟增添大和風情，希望畀到大家一啲新鮮感！不過，小弟覺得阿妹唔一定要改名，多啲着和服演出咪得囉！