有性趣：老主顧愛講價 原因係自戀？

喺美國內華達州合法妓院Alien Cathouse工作嘅32歲妓女Natalie Banks，從業多年，恩客多不勝數，而當中有唔少熟客恃熟賣熟，竟然同佢喺肉金上講價，真係令佢唔知好嬲定好笑！

Natalie話，如果熟客只係講吓笑，就會以開玩笑方式回應對方話唔減得，若然個客堅持要有折扣優惠，就會嚴詞拒絕。經過多年經驗，佢觀察到呢類客人都有自戀特徵，總覺得自己好有魅力，以為好多女人會迷戀佢，甚至冇咗佢唔得。不過，Natalie坦言，呢類客嘅外形通常比較討好，但一般妓女都唔會在乎，反而更着緊對方係咪衞生，同埋識唔識得尊重別人。最後Natalie補充指，妓女係一份職業，基本上係為咗搵錢，就算恩客外形有幾掂，經常討價還價嘅話都會被扣分。