有性趣 ：食相肉酸導致分手？

男士咪以為粗豪嘅食相係夠Man嘅表現，事實上喺唔少女士眼中，缺乏餐桌禮儀分分鐘會導致分手㗎！話說早前一位匿名女士向英國家庭網站Mumsnet嘅兩性關係專家求助，事緣佢同男友拍拖3個月便同居，卻估唔到一件事令佢難以接受，就係每次見到男友嘅食相，都會令佢有反胃嘅感覺，唔單止食嘢Jap Jap聲，仲要乜嘢都舔，唔單止刀叉同手指，連隻碟都舔埋，亦因為咁，多次同男友嗌交。而最令佢氣憤嘅係，兩人初相識時，男友嘅食相唔係咁核突，故此令佢有被唔尊重嘅感覺。