有性趣：露營車新興偷情「性地」

英國偷情網站licit Encounters早前訪問2千名會員，睇吓佢哋嘅偷情熱選地點，結果發現酒店仍係已婚男女偷情嘅熱門「性地」，有超過65%嘅受訪者均表示，曾跟情郎或情婦到酒店爆房。而排第二位嘅相信好多人都估唔到，竟然有31%男女表示，曾喺自己或外遇對象屋企曳曳，坦言原因係覺得夠刺激！第三位則係辦公室，原因純粹因為經常加班至深夜，喺辦公室偷食方便又慳錢。第四位係健身室，至於第五位，卻係連專家都冇諗過嘅露營車，有18%受訪男女表示曾經喺露營車偷情，偷情對象不但有同行友人，亦有同營區嘅營友。有人坦言野外交歡感覺夠刺激，而遠離日常生活圈嘅情慾關係，會減低出軌所帶嚟嘅內疚感喎！